不敗之師捷克夠牙力

魑魅魍魉

15/06/2011
文： 自由恒

筆者喺5年前首先接觸U21直播，算係為06德國世盃做定熱身。到07年，U21歐國盃成為新收費體育頻道頭炮，再過兩年嘅決賽周就落到免費台手上，可惜到今屆卻同香港球迷緣慳一面，希望到4強會有直播啦，不過筆者更擔心嘅係來年歐洲國家盃決賽周，事關轉播權花落誰家竟然出奇地仲未有聲氣。


西班牙首戰冇料到


U21電視冇直播，惟有上網做多啲功課，發覺有唔少大牌球星，好似西班牙嘅保贊同迪亞高卡普，都居然冇正選，取而代之嘅攻擊球員阿祖安盧比斯同埋謝法倫雖有一定西甲經驗，但卻未能出奇制勝，於B組首戰只能夠摸和英格蘭。事實上西班牙喺兩年前嘅U21決賽周都係小組畢業，實力並非想像中咁超班。




反觀同組對手之中，捷克算係最對辦嘅一隊，雖然成隊波都冇乜邊個有名氣，但佢哋喺外圍賽到附加賽都保持不敗，到上輪分組賽繼續強勢贏埋烏克蘭，今晚對住得個名嘅西班牙，有多少似小牛遇上熱火一樣，夾慣夾熟嘅捷克未必輸蝕。（開賽時間：周四凌晨0:00）


Battle精選


足球重心 捷克U21（讓球主勝）




馬膽推介 6場8 沙紙




自從被取消頭馬資格後，近期不斷轉戰泥地及谷草，試圖恰較弱對手補中，上仗沿途一路被頂出外疊，都只係輸畀超級嘅「夢仙」，今仗抽得黃金一檔，係時候贏番一場。