史卓往績輸晒撐莫迪

猪拉多纳

16/06/2011
文： 牛奶仔

今晚挪超上演前列對決，「二哥」史卓加斯特會喺主場迎戰莫迪，兩軍近期走勢同樣凌厲，今仗勢必打成均勢，牛奶仔就睇好對賽佔盡優勢嘅客軍可保不敗，受讓一球要1.54倍「讓球客勝」。（開賽時間：周五凌晨1:00）


莫迪近6戰5勝


史卓加斯特最近3場比賽全勝，但其實每場都只係煲魚生粥僅贏1球，加上3戰嘅對手亦只屬國內2、3線球隊，狀態難免令人擔憂。況且佢哋中場安達漢臣因膝傷缺陣，紐夏同隆迪巴根兩名中後防主力又上陣成疑，史卓加斯特後防隨時大穿窿，畀莫迪有機可乘。




莫迪近期氣勢同樣強勁，近6場比賽贏咗5場，合共更攻入19球，平均每場至少入3球之多，火力絕對有保證。莫迪今場只有長期傷兵史甸斯列特缺陣，其餘主力皆可披甲。再睇埋往績，兩軍最近4次交手莫迪全部贏晒，當中每場更至少入到2球，今仗即使作客出擊心理上亦有一定優勢，加上強陣應戰，相信唔難全身而退。