鹿角冇輸窒大戶信心

魑魅魍魉

18/06/2011
文： RICHARD WELBING

鹿島鹿角上輪首度返主場作賽可謂殺聲震天，但最終都係以○比一輸畀甲府風林。而Richard可以同你講，上周賽果並冇打擊到捧場客嘅信心，今仗鹿島鹿角繼續留守主場對磐田山葉，縱然磐田山葉實力比上周甲府風林更強，但鹿島鹿角一樣有大量墊底飛支持，贏波賠率低至不足1.7倍。留意到多間海外菠菜公司賠率，鹿島鹿角更有輕微落飛迹象。似乎大戶對於主隊信心十足，今場必捧主Ｗ。（now 634周六晚6時直播）


主場可勝磐田山葉


鹿島鹿角剛啱輸畀甲府風林，相信係球隊連續五場作客嘅後遺症。鹿島鹿角球員長時間舟車勞頓，踢唔出水準可以理解。而經過幾日調整之後，相信球員可回復正常水準，今場應有截然不同演出。巴西籍教練奧利華拉賽前表示，對於球隊今季前景仍然抱樂觀態度，尤其球隊已可重返主場比賽，對於爭勝極有幫助。




此外，鹿島鹿角喺對賽往績方面亦佔得一定優勢，主Ｗ偏熱都好合理。磐田山葉今季都幾古怪，未曾試過連勝兩場。上輪擊敗柏雷素爾之後，已埋下失分伏線。