烏克蘭西班牙捱細界

猪拉多纳

19/06/2011
文： 法比加輝

另一場U21歐國盃B組分組賽，烏克蘭U21會對西班牙U21。雖然烏克蘭現時僅得一分喺手，但只要今場擊敗西班牙，仍有機會出線，而西班牙形勢則較佳，只要和波就能獲得出線資格。基於西班牙和波都得，今場未必搶攻，建議捧細盤。（now 632周一凌晨2時45分直播）




兩戰手執四分嘅西班牙，今場只要攞多一分就可以確保出線，不過「鬥牛幫」都唔能夠輕敵，事關今場輸波嘅話，就有機會將出線權拱手讓人，因此，預期西班牙都唔會胡亂搶攻，大踢穩守突擊亦不足為奇。


分組賽8戰6開細


再者，縱然西班牙星光熠熠，但踢落並非太具霸氣，首兩戰都係開細盤，入波唔多。而環顧今屆U21歐國盃決賽周，前兩輪分組賽中，共八場就開咗六場細，反映各路英雄實力接近，今場都係續捧細較啱數。