幼獅生死戰難報捷

猪拉多纳

19/06/2011
文： 牛奶仔

U21歐國盃B組最後一輪賽事，非勝不可嘅英格蘭U21會同出線勁敵捷克U21正面交鋒，「幼獅」今屆表現名不副實，遇上和波都好大機會出線嘅捷克，相信都好難咬得入，一於要1.78倍「讓球客勝」！（now633台周一凌晨2:45直播）




英格蘭U21雖陷出局邊緣，但都未至於係一無是處，至少由基斯史摩寧同菲爾鍾斯組成嘅新紅魔防線非常穩固，門將菲定亦都有上佳演出，可惜中前場表現又真係冇乜料到，兩場夾埋只係取得一個入球，火力真係令人擔心。


捷克和波都幾近出線


本來「幼獅」一對進攻孖寶史杜列治同埋韋碧克都有一定級數，奈何中場線供應缺乏，首戰皮雅斯排出雙翼陣式，由丹尼路斯出任左翼，湯卡華利則負責右路，可惜未能達至雙翼齊飛，上仗決定出多個防守中場魯迪維爾取代湯卡華利，結果連首戰表現搶鏡嘅右閘基爾獲加都靜埋，踢咗兩場都搵唔到最理想陣容，今仗根本冇條件打主攻。




另邊廂，捷克上場輸咗畀榜首西班牙後，仍以3分排喺次席，只要烏克蘭最尾一戰未能爆冷擊敗奪標大熱西班牙，捷克今場和波亦可出線4強，相信會貫徹其穩守戰術睇定嚟踢。同時，中場米蘭施尼更擺脫傷患於上場後備入替，預料今仗可復任正選，令捷克陣容更為完整。


賽制


8支球隊分兩組進行單循環賽事，每組首兩名躋身4強淘汰賽。