赫根硬爆咸史達斯

港陌

21/06/2011
文： 麥馬拿仁

周三凌晨瑞典超獨腳戲，赫根主場鬥咸史達斯。赫根攻力極強，中前場充滿進攻好手，中場馬干迪利、箭頭拿尼治狀態大勇，後者目前已轟入十一個聯賽入球，等閒對手難頂赫根進襲。咸史達斯愈踢愈曳，進攻雜亂無章，本季聯賽客敗率超過八成，捧主W。（周三凌晨1時開賽）


瑞典波畀人感覺較為沉悶，開細場次頗多，截至本月十九日，九十二場聯賽有五十場開細，比率為54.35%。赫根係聯賽中踢法較悅目同進取一隊，因為球隊中前場極多技術型球員，唔會好似其他球隊般一味高Ｑ大棍，故觀賞性頗高。球隊兩名攻擊重心馬干迪利同拿尼治，前者擅於入楔，造波亦有一手，拿尼治腳風更順到爆，近兩仗攻入四球，今勻赫根返到主場，肯定攻得更加徹底。

咸史達斯前鋒冇個掂

咸史達斯本季冇神冇氣，事實上佢哋班底唔算太曳，落到場亦落力，可惜幾名前鋒冇個靠得住，成隊冇一個球員入多過一個聯賽入球。球隊高層已經準備買人，但遠水不能救近火，睇嚟咸軍低潮仲有排捱。事實上自前季赫根升班以來，四次鬥咸史達斯三勝一和，今場主W信得過。