墨西哥添兵勢炒洪都拉斯

魑魅魍魉

22/06/2011
文： Mic少

另一場四強洪都拉斯對墨西哥，衞冕嘅墨西哥今屆極具冠軍相，乃唯一四戰全勝球隊，而且賽前收到好消息，獲准補選五位新兵，代替早前五名因誤服禁藥而退隊嘅球員。墨西哥補充兵源後已無後顧之憂，可盡情搶攻，客W熱爆燈，可直取1.95倍「讓球客勝」。（now 634周四早上10時直播）




墨西哥雖然先後受到禁藥及疑似打假波醜聞打擊，但對球隊絲毫無損，三場分組賽贏晒狂入十四球，加埋八強以二比一反勝危地馬拉，換言之平均每場入四球，認真犀利。効力曼聯嘅前鋒查維亞靴南迪斯踢金盃超晒班，一人已獨取六球，以佢目前勇態，要攻破洪軍大門猶如探囊取物。


洪軍加時激戰未回氣


洪都拉斯能夠打入四強全因抽到好籤，分組賽對手危地馬拉、格林納達及牙買加實力麻麻，但佢哋只係贏過魚腩格林納達，八強面對哥斯達黎加僅靠互射十二碼淘汰對手，球員消耗大量體力。中場柏拉西奧斯有傷在身，韋根後衞美羅費古羅亞已因傷退隊，以現時陣容無力抵擋墨西哥強攻。