瑞士U21平手報捷

魑魅魍魉

22/06/2011
文： 法比加輝

四強尾場瑞士U21鬥捷克U21，瑞士在今屆分組賽三戰全勝兼保持清白之身，攻守兼備表現有目共睹。捷克雖在上場反勝英格蘭，但主要因為「幼獅」空群而出先有機可乘，查實捷克攻力只屬平平，足智彩有平手盤玩，加輝強捧瑞士。（now 633周四凌晨3時直播）




在分組賽表現最佳嘅球隊非瑞士莫屬，三戰三勝入六球兼一球不失，數據仲犀利過大熱門西班牙。事實上瑞士表現確令人眼前一亮，一眾小將淡定之餘，最難得係防守夠效率，中前場都願意返後幫手，能夠保持清白身絕非僥倖。反觀捷克三場分組賽都有失波，防守力認真麻麻。


捷克贏英咪高估


雖然捷克有擊敗名牌英格蘭「靚績」，難免令人對佢哋有多少憧憬，但要知道「幼獅」只係名大於實，今屆踢落完全係兩回事，所以唔好太過高估捷克實力。再者英格蘭上場為求出線才空群而出導致尾段輸波，戰果並未能夠反映出真實戰情，加輝認為瑞士今場坐和望贏，平手盤撐瑞士。