山度士搶盃好守細

魑魅魍魉

22/06/2011
文： 自由恒

周一受注賽程本來有場阿根廷對阿爾巴尼亞嘅熱身賽，但結果足智彩早喺上周五就宣布定球賽無效，但查實場波係如期舉行，王牌美斯亦係自歐聯決賽後首度披甲，起初真係唔多明點解唔開盤，但見到隔籬埠開讓2.5/3球兼超低水，結果順利大炒4:0，乜都明晒！




今個暑假特別多古靈精怪傳聞，好似話阿根廷國家隊早前作客尼日利亞出現超額補時，美洲金盃又有假波疑雲，一日內嘅賠率波幅大到嚇死人，分組賽表現突出嘅牙買加同巴拿馬，去到淘汰賽又無緣無故走樣，睇怕近期最正氣嘅賽事，都可能係聽朝上演嘅南美自由盃決賽次回合。


入球細偏熱唔似大炒


山度士首回合作客彭拿路守和0:0，今鋪返主場單W得1.34倍，冠軍賠率更得1.2，捧盃機會係就係高，但由於兩軍喺剛過去嘅周末都冇比賽，彭拿路根本唔存在舟車勞頓問題，一向火力唔強嘅山度士僅靠主場威勢，實不足以大炒，唔易開出2.1倍「讓球主勝」。雖然個W熱到燙手，但個細反而更熱得1.78倍，睇嚟場波都係1球起2球止，入球細值得跟進。（有線61及廣東體育周四早上8:50直播）