日本小將唔赦阿根廷

港陌

24/06/2011


世少盃分組賽B組最後一輪賽事，將在香港時間周六凌晨上演，名大於實嘅阿根廷會對紀律性強嘅日本，而熱門之一法國就對同組最弱嘅牙買加，炒味濃！（周六凌晨4時開賽）




阿根廷雖是足球強國，但歷年世少盃成績麻麻，莫講話攞冠軍，就連入決賽都未試過，足以反映阿根廷對世少盃嘅重視程度較低。而阿根廷今屆表現更備受抨擊，首仗對法國好似細路對大人咁，被法國住嚟揪，後者全場射門超過廿次，阿根廷完全冇還擊之力。




反觀日本上場對法國就踢得毫不失禮，落後一球劣勢下仍能逼和法國，所以今場對住呢支唔合格嘅阿根廷，勝算較高。