女子世盃今日開騷

猪拉多纳

26/06/2011


女子足球最高榮譽賽事女子世盃，今晚喺德國揭開序幕，上屆分組賽到決賽32場賽事，只得1場冇波入，證明女足比賽係入波保證，當今世界排名前3位美國、德國同巴西女足喺上屆更攜手狂入50球，呢班巾幗英雌再度碰頭，肯定擦出火花。另外日本、英格蘭及北韓等黑馬，可望有令人眼前一亮的演出。


德國女足最強東道霸氣十足


踢法特點：德國女足連續兩屆於世盃封后，近8屆歐國盃7奪錦標。主要係因擅長兩翼側擊作高空轟炸，為兩大箭頭佩蓮絲同格寧絲創造入球機會。另中路小組入楔和死球戰術都好成熟，加上球員身材高大，可謂霸氣十足。




主力成員：「女版轟炸機」佩蓮絲連續第5屆出席世盃，03年至05年連續3年當選世界足球小姐，並以14球成為世盃歷來最佳射手。另格寧絲喺09年女子歐國盃攻入6球成為神射手，而中場芭拉瑪則係去年嘅世界足球小姐第3名。




投X策略：德國連續4屆都開出「其他」賽果，95、99同07年各1次，03年2次，盡數對手視作等閒，最誇張係上屆以11:0狂數阿根廷。另過去5屆喺分組賽錄得11勝3和1負，勝率達73%，當中10場至少淨勝2球。


德國小資料


教練：妮特（德國）




國際足協排名：2

上屆成績：冠軍

歷來最佳成績：冠軍（03、07）

年份 冠軍

2007 德國

2003 德國

1999 美國

1995 挪威

1991 美國