美國女足世界一姐踢法機動

猪拉多纳

26/06/2011


踢法特點：美國女足向以踢法機動，球員技術上乘，死球亦係一大殺着，但08年請來前中國女足助教皮婭領軍後開始跌Watt，去年更喺美洲金盃4強以1:2不敵墨西哥，不過佢哋08年至今國際排名都保持第1，今次矢志爭盃，重振聲威。




主力成員：女球王夏雯04年退役後，陣中依然有唔少孭飛人物，如射手雲芭芝、中場博絲同隊長拉姆邦妮都有超過100頂喼帽，當中雲芭芝4次當選美國足球小姐，上屆世盃更攻入6球，對北韓一役更撞爆頭縫11針，堪稱鐵血女將。




投X策略：過去５屆世盃必入４強，且分組賽保持13勝2和不敗佳績，勝率高達87%，15場分組賽未試過交白卷，當中11場至少淨勝2球，無論W或「讓球勝」都要吼實。另佢哋喺世盃輸嘅3場波全部係喺4強場合。


美國小資料


教練：皮婭（瑞典）




國際足協排名：1




上屆成績：季軍

歷來最佳成績：冠軍　（91、99）