紅牛撲火冇得剩

猪拉多纳

26/06/2011
文： 自由恒

日前check吓新一季賽期，發現兩個聯賽開咧時間同往年有好大分別，首先係為咗延長歇冬期，而提早到7月中開鑼嘅德乙，其次係10月先開咧嘅澳職，咁遲先至揭開戰幔，除咗係想同2012年亞冠盃分組賽銜接之外，最主要都係北昆士蘭風暴已經破產，來季澳職得番10隊，賽季縮短就唔使咁趕開波。




美職下季擴至19隊




澳職擴充不成仲要萎縮，相反美職規模就愈來愈大，今季增加到18隊仲未夠，下年仲有加拿大球會蒙特利爾衝擊加入聯盟，好快就可以達到20隊嘅目標，到時賽季肯定會愈來愈長。唔講咁遠，單係今季已經有極多周中特別場，今日禮拜都有3場美職壓軸，認真罕有。




美洲金盃結束，最大得益嘅美職球會應該係紐約紅牛，不過3名今朝有份踢決賽嘅主將，包括前鋒阿古迪路、守將添列姆及馬基斯都仲未踢得，今仗紅牛作客連續7場未輸過嘅芝加哥火燄，單靠坐完波監嘅亨利應該惡唔出樣，平手盤捧硬火燄。（開賽時間：周一凌晨2:00）




Battle精選




足球重心：芝加哥火燄（平手）

馬膽推介：8場13 黃金年代

雖然星味一般，上場蹄下敗將亦唔勁，但若非走位老襯，根本唔使贏得咁險，今仗比起頂頭大熱「鷹之團」孭少20磅，排檔又好啲，相對值博得多。