奧姬絲瑞典體壇性感Icon

猪拉多纳

28/06/2011


瑞典球員奧姬絲芳齡廿七歲，身高一點七米，屬於瑞典女子國家隊嘅重心成員，可勝任前鋒及中場。奧姬絲喺瑞典好有名氣，除咗佢腳下功夫了得之外，肯大方騷身材亦令佢人氣急升。原來佢喺○四年春季曾經替瑞典成人雜誌《Slitz》拍攝一輯性感寫真，呢輯靚相唔止令雜誌大賣，奧姬絲更因而成為體壇大紅人，認真係一脫成名。事隔數年之後，好多瑞典網站仍然見有呢本雜誌供網友「咇」，可見奧姬絲魅力不減。