赤道畿內亞非洲異軍見細面

猪拉多纳

29/06/2011
文： 笛子波童

D組另一場賽事，挪威女足鬥非洲新貴赤道畿內亞女足。從今屆賽事所見，傳統強隊與弱旅實力明顯拉近不少，挪威近年成績停滯不前，面對實力如謎嘅赤軍宜抱觀望態度，今仗大細中位數調至3.5球，波童建議捧2.4倍細盤。（有線64台周三晚9時直播）




如果從歷史往績計，今場雙方根本冇得揮，挪威過去五屆都能打入決賽周，當中有四次打入四強，最佳成績係九五年贏得冠軍，相反赤道畿內亞以往從未參與決賽周，於世盃戰績一片空白。




其實赤道畿內亞係近年進步最大非洲球隊，佢哋於○八年贏得女子非國盃，係繼尼日利亞後第二支贏得呢項錦標嘅球隊。如果大家有睇早前A組賽事，應記得法國面對尼日利亞亦要吃盡苦頭，挪威近年演出明顯走下坡，去屆首席射手古布蘭森已退役，前鋒史托洛瑾又因傷落選，而赤軍前鋒茱迪保荷因曾代表西班牙被罰停賽兩個月，今場必死守。


挪威退步攻力不足


A、B組頭四輪賽事全部開下盤，強如東道主德國、亞洲一姐日本都只能小勝，足證各隊實力拉近不少。挪威今年一共踢咗六場國際賽，除兩勝弱旅芬蘭外，其餘四戰只得一和三負，最大問題係四仗都冇入波，攻力難予人信心，今場一於捧細盤。