巴西女足煲魚生粥

猪拉多纳

29/06/2011
文： 朱楓

被喻為爭標大熱嘅巴西女足，今晚喺2011女子世界盃首度出擊迎戰澳洲。雖然「森巴兵團」有瑪達壓陣，不過「袋鼠兵」近年進步神速，實力亦唔嘢小。呢場D組大戰，朱楓認為巴西頂多只可以小勝，「讓球和」有3.75倍有得諗！（有線64及中央5台周四凌晨0:15直播）




同男仔一樣，巴西近年喺女足戰績一啲都唔差，99年世盃取得季軍，03年打入8強，07年更歷史性取得亞軍，04同08年奧運就取得銀牌，上年更捧走美洲盃冠軍。巴西近年喺女足咁勁，一對箭頭瑪達同姬絲蒂安妮居功至偉，當中瑪達更加「屈機」，睇佢連奪近5屆世界足球小姐，就知有幾犀利。賽前呢位「女版細哨」話巴西近年成日喺大賽攞亞軍，全因喺細節上做得唔夠好，只不過累積咁多次經驗後，有信心今屆取得冠軍喎。




不過巴西今晚遇着澳洲，要大勝肯定唔易，事關「袋鼠兵」近年進步神速，07年世盃歷史性殺入8強，當時僅輸畀巴西2:3出局。上年女子亞洲盃嗰陣，更擊敗北韓首奪冠軍。賽前澳洲領隊斯文尼就話近年女足各隊實力距離愈嚟愈小，相信「袋鼠軍」今屆有一定作為。




森巴娘子軍對賽旺贏1粒




事實上，澳洲近期熱身賽表現亦對辦，對住衞冕嘅德國都係僅輸1:2，最近更連贏新西蘭、墨西哥同英格蘭。再睇埋往績，澳洲近6次對住巴西獲2勝4負，但4場敗仗入面，有3場都係僅輸1粒，足見「袋鼠軍」對住巴西唔係冇得打，「讓球和」真係博得過㗎！




森巴娘子軍對賽旺贏1粒

事實上，澳洲近期熱身賽表現亦對辦，對住衞冕嘅德國都係僅輸1:2，最近更連贏新西蘭、墨西哥同英格蘭。再睇埋往績，澳洲近6次對住巴西獲2勝4負，但4場敗仗入面，有3場都係僅輸1粒，足見「袋鼠軍」對住巴西唔係冇得打，「讓球和」真係博得過㗎！