萬能駒睇定泥料

猪拉多纳

今季泥地賽大贏家徐雨石，明日尾場更打孖「泥」，遣「萬能駒」同「好得意」上陣，前駒出動馬房王牌霸定位，戰意鮮明。
       
萬能駒

繼剛戰於泥地一哩跑獲亞席，「萬能駒」同程已累積四冠四亞佳績，今次力求於本季泥地最後一擊添進帳。
       
徐雨石

昨晨廐主石哥對「萬能駒」操練非常重視，五時仍未見他戎裝課馬，原來練者靜悄悄在烽火台地下舉鏡，此時鄭雨滇到場首匹替「萬能駒」在大圈出試，重視程度可見一斑，石哥睇完是課操練方開始更衣課馬，擺明唔睇唔安樂，顯然「萬能駒」今鋪心存大欲！