神射手冷敲兩隻圭

猪拉多纳

30/06/2011
文： 法比加輝

近兩屆美洲國家盃神射手寶座都落於巴西手上，但今屆大熱並非巴西人，而係「球王」美斯，賠率仲熱到得3.6倍，唔抵玩！事實上美斯在國家隊嘅產量遠遜球會，就好似上年南非世盃，佢孭重飛下竟然一球都入唔到，令所有人大跌眼鏡。


「阿蘇」、卡雲尼好分頭


雖然阿根廷係今屆賽事大熱，但由於阿軍實在太多好前鋒，除美斯之外，仲有泰維斯、希古恩、迪亞高米列圖、阿古路及拿維斯，老實講幾位超級射手爭位都爭餐懵啦，入球好容易分薄晒，所以阿根廷球員並唔值博。




反觀投X者大可將目光放落烏拉圭「雙星」蘇亞雷斯及卡雲尼身上。兩位烏軍射手在過去一季均有好表現，蘇亞雷斯迅速融入英超節奏，而卡雲尼更因瘋狂「士哥」而升價十倍，兩人狀態都比老大哥科蘭好，估計正選機會亦較高。




再者，烏拉圭身處嘅Ｃ組唔難踢，同組嘅秘魯及未有派精兵壓陣嘅墨西哥都實力較遜，烏拉圭確實有權大炒對手，所以兩人分別有22及25倍分頭，確實吸引。