特林素艾夫斯堡Ｗ得

猪拉多纳

30/06/2011


今日除咗馬會有開盤嘅兩場歐霸外圍賽之外，另外仲有多場首圈首回合賽事舉行，出場嘅大多係名不經傳嘅球隊，其中挪超球隊特林素將作客拉脫維亞嘅杜加瓦，特林素季初狀態大勇，目前排聯賽榜首，絕對有野心喺歐洲賽再創佳績。




特林素今季異軍突起，今季聯賽僅輸過一場，三十八歲嘅老將魯殊費特腳風甚順，加上身高六呎五吋嘅塞內加爾防中卡拿頻頻建功，呢隊波攻守兼備，面對欠缺歐洲賽經驗嘅杜加瓦，相信可順利過關。




另一隊有能力喺首回合打響頭炮嘅球隊係瑞典超球隊艾夫斯堡，佢哋會喺主場鬥盧森堡球隊科拉艾治，艾夫斯堡出名攻力強，今季聯賽主場七戰入咗十八球，係瑞典超主場攻力最強球隊，加上佢哋嘅人造草場唔易適應，睇怕業餘球隊科拉艾治隨時大敗一場！