棟悉先機:享耆成搵到竅門

猪拉多纳

　　如果今日場地狀況受到驟雨影響，泥地與草地的角逐環境將會完全不同，草地賽形勢可能利前領馬，泥地賽則會對後上馬有利。不過，無論場地好壞，宏觀今日形勢，不少場合也覺有爆冷嘅味道。

　　第一場新馬1200米草地。「牛精威旺」初出在小貓3、4隻場合上陣，票數幾熱，捧到4倍開跑，結果跑尾二（季軍），睇過佢當時走勢，1個字形容就夠嘞：「錯」，由出閘開始，去到賽事尾段，隻馬嘅走勢都係唔多規矩，近乎係自己跑自己咁滯，睇嚟又係那類打天才波之輩。我計佢如果跑咗1場，係咁意進步小小，已經有資格染指冠軍。

　　第四場四班1200米草地。「享耆成」連跑多場，演出仗比仗進步，上仗更索性放頭，最終跑入第二名，已是上佳之作，因牠也拋開季軍「英雄得勝」不少身位。而上賽係咪因為戴了面箍，在跑法上更主動，這點不會否定，既然試啱了配件，跑法亦用對了，今仗4檔起步，應會繼續採取領放戰略，在對手不多的情況下，有望一放到底。

醒目精英回師強項

　　第十場三班1400米草地。「醒目精英」實力之高，唔會係三班留得住，阿棟保守估計，將來二班都有得贏。而上賽在短途求熱身居多，可以跑到入P，其實已認為及格。今仗回到強項，整體發揮一定比上賽唔同晒，熱食都冇計，無謂拗頸。

點買法

　　因為今日條跑道可能利擺前走，所以，揀W都係一對主動跑法嘅馬好啲，「享耆成」射「醒目精英」。揀Q場合，第四、十場似係熱門格局，希望兩關過晒有啲肉食。

陳華棟