日本墨西哥搶分大駁火

猪拉多纳

01/07/2011
文： 蘇豪

B組第二輪早場上演日本女足對墨西哥女足，日本首戰憑宮間綾罰球建功擊敗新西蘭，墨西哥則有重炮奧甘寶士哥逼和英格蘭，兩軍要搶分爭出線，陣中同樣不乏射得之人，投X首選大盤。




（有線64台周五晚９時直播）




今屆女子世盃分組賽首輪賽事一反常態，下盤及細盤當道，令唔少人損手爛腳。各軍第一輪都有心試探對手虛實，踢得較為保守亦相當合理，不過次輪賽事進入搏殺時候，預計各隊會打得更進取，隨時轉晒攤路。




言歸正傳，日本首戰表現唔算特別好，全靠宮間綾下半場罰球妙射建功擊敗新西蘭，今場要繼續留意呢位射得之人。大軍有唔少優質進攻球員，小將岩淵真奈上仗後備落場表現對辦，射手大野忍於前線亦相當活躍，經過一場熱身後，相信球隊進攻發揮會更佳。


日軍去年兩炒對手


墨西哥上場對英格蘭被睇淡，最終憑重炮奧甘寶勁抽破網逼和對手，演出大有進步，今場對住日本未必冇得打。睇番現時小組形勢，日本有三分，墨西哥只得一分，為爭奪出線席位兩軍都會搏命。




翻查往績，日本上年兩戰墨西哥贏三比○及四比○，今場主勝得1.4倍冇肉食，捧大！