加爾斯加費萊細均力敵

猪拉多纳

02/07/2011
文： Combo King

今日阿King集中講瑞典超，兩支異軍突起隊伍加爾斯同加費萊碰頭，兩者今季成績咁好全靠後防守得穩，預料今仗入波唔會多，1.65倍入球細好穩陣。 （周日凌晨零時開賽）




加爾斯、加費萊以往多在榜下游打滾，不過兩者今季演出卻令人眼前一亮，目前分別排聯賽榜四、五位，最主要原因係兩軍失波都唔多。先講主隊加爾斯，加爾斯今季主場戰績彪炳，七場比賽除不敵勁旅艾夫斯堡，其餘六仗全部贏晒，而且主場至今所失三球都係十二碼，係主場失球最少球隊之一，想憑生波撕破其防線並唔容易。




客軍加費萊近期走勢亦非常凌厲，除保持七場聯賽不敗，而且七場比賽都冇失波，面對勁旅馬模、艾夫斯堡、卡爾馬表現唔輸蝕，加爾斯想贏波亦有難度。既然兩軍防線咁硬淨，估計勝負只係一球上落，投X首選入球細。


卡爾馬打落水狗


另外兩場瑞典超，卡爾馬主場鬥特利堡，特利堡近期防線大穿窿，連盃賽在內六連敗兼失二十球；卡爾馬兩連勝演出回勇，主場淨勝兩粒問題不大，捧「讓球主勝」。最後西里安斯卡鬥哥登堡，西里安斯卡主強客弱，今季七場主場聯賽僅一敗；哥登堡表現飄忽難捉摸，而且近四場聯賽只贏過下游隊伍米贊比，狀態靠唔住，讓唔起主隊。