柏雷素爾真材實料要追

猪拉多纳

02/07/2011
文： 肥叔

今屆女子世盃各隊水平非常接近，德國、美國及挪威等勁旅名氣大，但踢落唔算特別超班，莊家用番往績開盤，強隊經常讓得多，所以特別旺下盤同細盤。幾支亞洲代表都有理想發揮，日本技術好，北韓鬥志勁，今晚北韓對瑞典有得受讓，值得留意。




講番今次重心推介，日職愛隊柏雷素爾作客大阪櫻花，捧柏軍！肥叔唔止一次講過，柏雷素爾季初強勢唔係虛火，呢班波有真材實料，作客表現仲好過主場。不過，柏軍名氣唔算大，所以成日有筍盤，今次對住櫻花受讓平半，個盤抵玩到不得了，下盤係是日投X首選。 （now 633及660周六晚6時直播）




同日仙台維加泰主場對名古屋鯨魚，維加泰上周終被打破不敗身，今次對住勁旅鯨魚，有唔少人認為佢哋會輸埋，不過，呢班波喺災後鬥志一流，主場出戰有力贏波反彈。另外，瑞典超加爾斯主場對加費萊，兩隊級數接近，加費萊可保不敗，受讓捧下盤。


肥叔心水


仙台維加泰 平手盤




柏雷素爾 下盤




北韓女足 下盤

加費萊 下盤