華盛頓聯隊防線費到爆要反

猪拉多纳

02/07/2011
文： 自由恆

金盃結束，美洲國家盃緊接上演，好彩受影響嘅球會未算太多，講來講去最慘嘅都係山度士，夾埋有3名主將被巴西國家隊徵召，至於早前被金盃攪亂檔嘅美職，原來只係得美國芝華士前鋒艾真度摩蘭奴有份出戰美洲盃，北歐聯賽就更加係一個都冇。




歐洲轉會市場近期漸趨活躍，美職球會簽人亦都唔執輸，近期最震撼收購，首推FC多倫多一次過羅致前德國國腳芬寧斯，以及荷蘭高大中鋒高化文斯，相信一眾冇班落嘅過氣球星放完暑假後，降格轉戰美職前消息會陸續有來，不過捧場客就要小心，呢類由歐洲登陸前球星，要到本月15號先可以正式披甲。


費城聯近7戰僅1敗


不過唔係所有新兵都要等到轉會窗重開先可以上陣，喺聯盟內嘅球員交易就不受限制，日前由紐約紅牛轉投華盛頓聯隊嘅中場迪羅沙里奧，聽朝主場迎戰費城聯（上圖右）就可以作處子戰，但就未必有即時作用，畢竟華盛頓近期並非火力不足，而係防線不穩，近7戰得1仗保持不失，搞到近8戰僅勝1仗，絕對讓唔起近7戰僅1敗嘅費城聯。（now633及660台周日早上7:00直播）


Battle精選


睇飛搵食：瑞典女足（客勝）




足智彩嘅女子世盃賠率參考價值唔高，仲係熱嗰隊死嗰隊，好似昨晨加拿大飛數來得突然，結果咪照吞法國4蛋，德國熱透咪一樣炒唔起。今晚足智彩就睇好北韓，主W得2.75倍，比起歐平嘅3.43倍熱，不過筆者今次就當馬會係燈神，撐對家瑞典好過。