高清睇跑馬:迅者上仗水準高

猪拉多纳

　　報爭周三晚五班1650米的「迅者」是慢熱馬，故上季表現欠奉，評分因此減了不少。今季在五班起步，首三仗熱身性質繼續陪跑，結果跑出勇態，第四仗殺入第五，首次取得獎金，之後三戰巧合地又係得第五，最吸引人是首三仗都採取主動跑法，唔係放頭就係守在第二位，大前仗卻因慢閘放唔出，被迫留前鬥後下追得接近，此戰表現反映進步大，加上評分一次一次比低，所以，前仗快放贏谷中一哩絕非符碌之作。

　　上仗總場次702出戰今賽同程，再以均速入Q意料中事，唔講唔知，原來水準極高，頭馬「金威神童」跑出1分40.9秒，是今季五班谷中1650第三快時間，只慢過「大將風騷」及「兄弟班」。「迅者」重遊舊路，機會秤先。

　　報爭四班1000米的「王者先鋒」，上次已經好鍾意，就算排十一檔都列作首選，因為牠已一再跑近，不論田谷作賽均有好走勢，前仗大敗只因濕慢泥不合發揮。上仗總場次701谷草1000米，加戴鼻箍上陣，賽前操足，擺明車馬而來果然得手，只是料不到牠因排外檔採取全新跑法，一起步縮在後叠，中段更留到尾二，入直路才在外檔長驅直進，話雖步速不慢，後上馬好衝刺，但1000米乃最短途，加上谷中直路短，要在尾二位置追上跑第一，實非一般四班馬可做到，勝後僅加六分極之着數，周三吼準勝途再戰，鬥志十足，且今次快馬唔少，步速有利下不難後上再建一功。

Sam