中華台北頂得住馬來西亞

猪拉多纳

03/07/2011


今日又有世界盃亞洲區首圈外圍賽次回合賽事，最值得關注場次係中華台北對馬來西亞。




中華台北首回合作客馬來西亞，對手有六萬名球迷撐場，氣勢相當犀利，中華台北上、下半場各失一粒，戰至比賽尾段由天水圍飛馬球員陳柏良士哥追番球，保持出線希望。中華台北台法混血型仔球星陳昌源搞掂手續，今場可以披甲，有埋呢位星級守將，防線實力提升唔少，加上有主場之利，相信頂得住馬來西亞保不敗！