新西蘭甜心露絲韋迪

猪拉多纳

05/07/2011


縱然新西蘭女足已經畢業，但分組賽面對兩大勁旅日本及英格蘭都只係僅敗離場，表現有晒交代！新西蘭不乏新血接班，其中「九十後」前鋒露絲韋迪就被譽為女足新希望。




咪以為露絲韋迪十八歲卜卜脆，其實佢有唔少大賽經驗，○八年參加完女子世少盃之後，兩星期後就征戰世青盃，而上年亦有份出席在德國舉行嘅一○世青盃，係國家重點栽培嘅新星。另一方面，露絲韋迪喺新西蘭亦人氣爆燈，唔少球迷都覺得佢有少少Baby Fat好可愛，笑起上嚟甜到漏。