女子世盃投X額創新高

猪拉多纳

05/07/2011


今屆德國女子世界盃夠晒精彩，連帶投X額亦大大提升。英國著名菠菜公司威廉希爾指出，分組賽都未踢完已經有接近500萬鎊（約6,300萬港元）投X額，數字屬歷屆之冠。根據多年統計資料顯示，女子運動項目當中足球比賽投X額最高，女子世界盃更加係賽事之冠。至於第二位係女子網球賽，但相比起足球已有一大段距離。




另外有鑑於近年婦科病數字不斷上升，唔少國家及地區都積極推廣女性健康活動。英國女性運動及健康組織（WSFF），最近就聯同海外菠菜公司威廉希爾搞咗個另類慈善活動，威廉希爾就替WSFF下注多項有關英格蘭女子足球隊喺世界盃嘅表現，包括英格蘭奪標、姬莉史密芙當選最佳球員或神射手，以及沒有英格蘭球員領紅牌離場。若英格蘭女子隊夠爭氣達成所有目標，WSFF最高獲益可達7.3萬鎊（約92萬港元）資助。




D組賽事方面，奪標熱門球隊巴西取得第二場勝利，憑「波后」瑪達梅開二度，以三比○擊敗挪威。