高清睇跑馬：皇帝法令抵買

猪拉多纳

　　第八場三班1200米。「金鎸龍華」初出按韁大勝確犀利，蹄下敗將「勝利之星」再出補中，但要留意鄭廐絕少連捷馬，熱得過分的話，不如捧蔡廐「皇帝法令」，來得較有把握，何況「皇帝法令」質素絕不輸蝕，初出跑1000米身肥步重都得第四，接戰收身即殺入亞軍。

　　至上仗總場次712田草1200米，「皇帝法令」終於贏馬，且難度極高，跑開1000米，改攻1200米唔容易，仲要輕鬆彈甩對手，跑出1分09.39秒，係今季三班1200米第四快時間，難怪雖只贏一又四分一馬位，仍被加九分，可見評磅員重視，反映此戰連捷機高，周日蔡廐布強陣，優先留意此駒。

　　第十場一班1600米。「國寶」十一戰全上名，包括六W，勝出率高達五十四個巴仙。睇番上季尾三連勝，都是三班賽之餘，姿態也不算輕鬆。今季十二月尾才重上前線，跑完更要長唞，以為難再有作為，誰知前仗久休復出一樣得，1400米跑出1分22.11秒，上仗增程1600負重磅下添食，且近兩戰都排最外檔，早段花不少氣力。再睇上仗跑出1分34.65秒，原來係今季二班1600米第三快時間，可以肯定今仗殺上一班冇阻力。

Sam