秘魯冇攻開 食唔起墨記

猪拉多纳

08/07/2011
文： Mic少

C組另一場秘魯對墨西哥，以年輕球員為骨幹嘅墨西哥早於賽事揭幕前已被睇低一線，首仗對智利亦輸波，但實際表現已比預期好，而且唔好忘記今屆賽事頻頻爆冷，呢支「墨西哥B隊」今場並非冇得打，特別係秘魯攻力差，欠缺讓波本錢，墨西哥受讓平半捧下盤。（有線61及201台周六早上8時45分直播）




墨西哥今次大軍名單只有杜斯山度士効力歐洲球會，其他全部喺本土搵食，而且大部分屬於十八至二十二歲小將。


墨西哥首仗對辦


無疑經驗稍遜，但後生仔勝在初生之犢不畏虎，上仗有膽量同人腳上乘嘅智利搏槌，先開紀錄算係交到貨，今仗遇上實力較智利低嘅秘魯，墨西哥應有分落袋。




秘魯上仗即使打和烏拉圭，但始終改善唔到攻力弱問題，撇除荷西古里路所入一球，其他攻勢並唔入肉。翻查秘魯今年五場比賽只入兩球，但亦僅失一球，屬於典型守強攻弱球隊，因此佢哋可以同攻力強橫嘅烏拉圭握手言和，唔代表可以入波擊敗質素較次嘅「墨西哥B隊」。秘魯今仗要主攻求勝並非佢哋所長，事實上秘魯近七仗僅一勝，讓波輸盤機會相當高。