傾羅馬奔騰文家良肉緊笑唔出

猪拉多纳

澳洲好手柏寶剛戰食出大三元兼重奪失去多期的騎師王，雖然今季冠軍騎師寶座無望，騎者仍維持高昂鬥志，明日煞科戰列陣第九場的文廐馬「羅馬奔騰」乃柏寶主動索騎之一，馬兒前仗遇變化地落第，匆匆再出全程走外疊拚入季席，因此贏得柏寶垂青。
  
羅馬奔騰





昨晨最後試跑朝，「羅馬奔騰」於七時一刻由柏寶親自在大圈快跳八百米，文家良緊張程度不在鞍上人之下，睇勻是課操練隨即趕赴機坪搵柏寶商議大計，兩人倚欄傾到雞啄唔斷，良哥全程未笑過，擺明對今勻扳大頭的「羅馬奔騰」甚肉緊，務求盡快交代！