波后瑪達誓圓大賽夢

猪拉多纳

10/07/2011


巴西女足主將瑪達好波就係人都知，但呢位五屆世界足球小姐從未贏過大型國際錦標，可以講係「無冕波后」。廿五歲嘅瑪達話自己無論喺技術層面及心理質素都處於極佳水平，好有信心贏得今屆德國女子世界盃，成為真真正正世界波后。




除咗冠軍獎盃之外，世盃神射手亦係瑪達今屆目標之一。其實瑪達已經喺○七年中國女子世界盃攞過最佳球員及神射手，但最遺憾係決賽輸畀德國僅得亞軍。




瑪達表示，經過四年努力後，今屆絕對係爭標好時機。對於對手美國，瑪達話一定唔會掉以輕心，佢話美國係奪標熱門，巴西若稍稍放鬆隨時會付出沉重代價。