華拉倫加讓波唔啱素

猪拉多纳

10/07/2011
文： SAMVO肥叔

今次同大家研究北歐波，挪超今季形勢混亂，名牌球隊洛辛堡起步脫腳，近期有復甦之勢。莫迪則於榜首放領，呢班波頗具級數，已被視為爭標要角。不過若單計穩定性，特林素一定最高，亦屬一路奇兵。




特林素今輪作客華拉倫加，受讓可秤先！華拉倫加今季表現一般，但本身有名氣，個盤成日開到好辣，今次對特林素竟然要讓半一，有人話飛數硬淨要留意，肥叔認為只係操盤手引人落疊。特林素今季聯賽只輸過畀洛辛堡，受讓絕對值得一試！




（周一凌晨2時開賽）


美國女足惡過巴西


同日仲有兩場女子世盃賽事，巴西女足惡戰美國女足，巴西分組賽三戰全勝，踢落似乎較為對辦，不過美國係傳統勁旅，打大賽有一手，上次輸畀瑞典隨時只係示人以弱，去到淘汰賽階段有機會露出真面目，現時莊家開緊平手盤，肥叔睇好美國女足贏得。


肥叔心水


澳洲女足 下盤




美國女足 平手盤

特林素 下盤