秘魯受讓有計 智利求穩但求唔輸

猪拉多纳

12/07/2011
文： 法比加輝

C組最後一輪智利鬥秘魯，由於兩隊已肯定出線，不過當然唔想以第三名晉級，智利總入球佔優，打和都肯定取得首或次名，所以未必搏盡，心態成疑讓波唔值博，建議捧受讓嘅秘魯「讓球客勝」。（有線61及201台周三早上6時15分直播）




由於秘魯多名主力如法芬、比沙路及路爾斯拉美利斯，在分組賽開始前均聲稱有傷退隊，令秘魯在牌面上缺乏星味，感覺弱好多。不過秘魯踢落又並非太差，首戰踢和擁有星級鋒線嘅烏拉圭，而上場更以一比○擊敗墨西哥，表現惹人好感。


玩埋半場和入球細


現時秘魯與智利都有4分喺手，得失球差亦一樣，但因智利總入球較秘魯好，今仗大把本錢在手。預期智利都唔會急於求勝，以免貪勝而輸波跌落第三，爭勝心有保留下難讓波，建議捧受讓嘅秘魯「讓球客勝」。另外因主攻並非秘魯強項，想贏穩字行先嘅智利難度高，所以今場預料係悶波一場，捧埋半場和同入球細都幾好路。