日本女足散晒捧瑞典

猪拉多纳

13/07/2011
文： Mic少

另一場女子世盃四強，日本女足對瑞典女足，日本娘子軍今屆成績令人驚喜，連兩連冠兼東道主德國都畀佢哋淘汰，為亞洲足球爭光。不過，日本隊亦付出唔少代價，上仗同德國惡鬥一百二十分鐘，匆匆再戰球員體力輸蝕。瑞典當旺四戰全勝，客W2.35倍值博。（有線61及64台周四凌晨2時45分直播）




感情上或者應該支持亞洲代表日本，但投X絕對唔可以感情用事，「東洋魔女」今場形勢確實處於下風，佢哋八強戰至加時一比○淘汰德國，即使製造出爆冷賽果，但球員亦消耗大量體力，對於應付緊密賽程非常不利。尤其首席射手澤穗希已年屆卅二歲，加上近日受腰傷困擾，令人擔心佢仲可唔可以保持水準。


瑞典如日方中


瑞典今屆表現卻一帆風順，強如世界排名「一姐」美國都成為佢哋腳下敗將，球員狀態及士氣如日方中，未踢已先贏氣勢。而且瑞典喺八強輕鬆以三比一擊敗澳洲，今仗面對疲兵日本，更加難唔到佢哋。另外，瑞典今屆有擊敗另一支亞洲球隊北韓嘅經驗，更加有助提升今場贏波信心，客W值博。