流浪冇厘神氣 點同利華鬥

猪拉多纳

13/07/2011


蘇超另一班霸格拉斯哥流浪今日亦會進行熱身賽，對手係德甲勁旅利華古遜，流浪對上兩場熱身賽輸晒兼冇士哥，隊中進攻主力拉菲迪仲傷埋，實在無力扭轉頹勢，一於捧利華贏波！




格拉斯哥流浪季前集訓表現認真麻麻，首場熱身賽爆大冷輸畀德國地區球隊洛特，令唔少人大感意外。大軍上場面對德乙球隊波琴，結果又吞三蛋，引來國內傳媒猛烈批評，搞到士氣低沉。流浪今場賽前仲傳出壞消息，射手拉菲迪有傷在身，今場無緣披甲，鋒力弱上加弱，對住三仗中級數最高嘅利華，睇怕都係凶多吉少。