杜塞爾多夫主場惡到暈

猪拉多纳

14/07/2011


杜塞爾多夫○九年先升上德乙，但首個球季便一鳴驚人，取得第四名，上季則排第七，成績咁理想，主要原因係主場成績非常勁，近兩季都係德乙主場成績最好球隊，勝率達76%，前季主場更加全季不敗，可以話係德乙嘅銀行球隊！




杜塞爾多夫陣中冇乜出名球星，但勝在拚勁搭夠，而且主場氣勢甚佳，佢哋嘅主場坐五萬幾人，而且入座率極高，真係唔打得都嚇得。佢哋今季最矚目嘅收購，就係羅致澳洲國腳羅比古斯，呢位前墨爾本勝利前鋒喺今年亞洲盃表現出色，相信會喺德乙有一番作為！