瑞士超開咧蘇黎世唔錫力

猪拉多纳

16/07/2011


歐洲二三線聯賽將陸續開鑼，瑞士超級聯賽今晚戰火重燃，揭幕戰錫永主場對蘇黎世，近年瑞士超基本上由巴素利及蘇黎世壟斷，過去六季兩軍各捧盃三次，實力明顯超班。上季亞軍蘇黎世今季矢志重奪盟主寶座，有力打響頭炮。




蘇黎世不但喺聯賽同巴素利平分秋色，喺歐洲賽亦有佳作，○九年歐聯分組賽作客贏過ＡＣ米蘭。佢哋上季僅以一分之差屈居巴素利之下，成為亞軍，輸得好唔抵，更加激發今季爭標決心。其實蘇黎世同巴素利近年喺瑞士超嘅表現，就好似蘇超格拉斯哥流浪同些路迪一樣，級數遠高其他對手，蘇黎世要贏錫永，問題唔大。