紅牛開芝華士迎新門神

猪拉多纳

16/07/2011
文： 力奇

火力冠絕美職嘅紐約紅牛，聽朝會造訪美國芝華士，我睇好佢哋可以作客贏波，事關射手亨利腳風順，仲簽埋經驗老到嘅漢堡門神路斯，平手盤客隊抵捧！（now633及660台周日早上10:30直播）




咪以為紅牛周中慘敗喺芝加哥火燄腳下，錄得2連敗就係狀態差，查實啱啱嗰場美聯盃只係以副選掛帥，輸波不足為據。睇番聯賽戰績，紅牛依家係東岸一哥，開季20戰入34球，火力係美職No1，射手亨利今季重拾射門鞋，依家入咗9球排射手榜第一。最緊要係之前防線不穩問題，喺前漢堡門將路斯加盟後，都有望穩定落嚟。




芝華士呢邊，目前排喺聯賽榜第10位，實力唔算突出，近5場聯賽只得1勝，加上後衞安迪查錫同中場永川保羅養傷，仲有前鋒艾真度摩蘭奴又要踢美洲盃缺陣，今仗真係危危乎。