廣島爭勝慰東北受災親人

猪拉多纳

18/07/2011
文： 九叔

對一啲廣島三箭球員嚟講，今日主場對福岡黃蜂場日職波，係一次對地震受災親人表達慰問、關懷嘅活動，點都唔衰得！既然係咁，就簡單啲博廣島1.4倍主W算嘞。（now633台周一下午5:00直播）

黃蜂贏「臘鴨」不足為據

由前日本國腳小笠原滿男發起嘅「東北人魂」組織，不斷搞活動籌款為東北地震災區打氣，呢期就輪到「廣島project」啓動嘞，三箭球員高萩洋次郎、中島浩司兩個都係東北人，高萩個阿嫲住响福島，仲响海嘯發生之後失咗蹤，所以佢特別重視呢個project，同中島浩司一齊宣傳件籌款T恤，今場波佢兩個實會搏命踢得好好睇睇。


當然，齋睇近況數據，廣島近8戰得3勝令人唔開胃，但細心啲睇，廣島輸嘅都係大阪雙雄、川崎前鋒呢啲比較硬淨嘅球隊，近態比起只係識贏大宮松鼠、甲府風林呢類「臘鴨」嘅黃蜂要好，況且廣島由06年起主場對黃蜂都未輸過，5場波3勝2和，話晒有6成勝率，冇理由唔博主勝啫。