紅魔再挖大寶藏

猪拉多纳

20/07/2011
文： 蘇豪

曼聯北美之旅第二站去到西雅圖，明早同西雅圖海灣者拍跳。紅魔鬼首戰輕取新英倫革命，皆因對手實力弱，今次面對美職前列球隊海灣者將面對較大考驗，難保清白之身，預計又會大手交易，熱捧大盤，冷敲「讓球和」！




（now 640周四早上10時直播）




紅魔鬼首戰談笑用兵大勝新英倫革命四比一，一眾二線兵演出對辦，後備前鋒奧雲及馬捷達都有士哥，湯卡華利及韋碧克等小將話明要爭取表現博上位。另外，新翼鋒艾舒利楊格處子戰演出唔錯，主帥費格遜賽前指射手貝碧托夫會留隊，新門神迪基亞亦已歸隊報到，現時相當齊腳。


海灣者弗 博「讓球和」


不過，曼聯上場對手革命屬近期美職最霉球隊，後防有如紙咁薄，戰鬥力難與西雅圖海灣者相提並論，預期紅魔鬼今仗唔會踢得咁輕鬆，大軍前線火力強勁，進攻唔成問題，只怕後防於熱身賽唔夠集中失波，讓得太多難免令人有戒心，客勝偏熱唔抵玩，入球大熱得有道理，值得捧場。




西雅圖海灣者近期主場戰績理想，聯賽及盃賽取得五連勝，雖然中場主力薩古亞尼要養傷，但兩大南美外援艾華路費南迪斯及費迪蒙迪路狀態大勇，大軍近三場入十球，火力極強，有力射破曼聯大門。海灣者於各項賽事十一場不敗，表現穩定，今場就算輸波都唔會大敗，「讓球和」博得過。