維迪奧頓搏殺格

猪拉多纳

20/07/2011
文： 笛子波童

周四凌晨上演歐聯第二圈外圍賽次回合，匈牙利維迪奧頓主場再鬥奧地利格拉茨，維迪奧頓首回合作客雖然輸○比二，但睇番比賽過程其實並非一面倒。格拉茨實力上冇太大優勢，次回合作客料會先求不失，「讓球主客和」格拉茨讓一球，波童建議捧維迪奧頓「讓球主勝」。（周四凌晨2時30分開賽）




維迪奧頓首回合作客雖然輸波，但未失波前其實有唔少具威脅埋門，如非對手門將加迪斯爾上身，維迪奧頓絕對有權先開紀錄。維迪奧頓教練、前葡萄牙國腳保羅蘇沙賽後未有怪責球員，並且承認整體表現未算太差，返主場有信心可反敗為勝。


格拉茨首回合贏運


事實上格拉茨全靠匈牙利射手沙碧斯於下半場中段一個幸運入球才能打破悶局，論實力唔高得過維迪奧頓幾多，今次作客出戰相信亦唔敢過分急攻，要讓波好唔抵玩，如果嫌1.47倍嘅「讓球主勝」欠分頭，可直取2.45倍主W。




另一場冰島球隊比達比歷主場鬥挪威名牌洛辛堡，洛辛堡首回合主場大勝五比○，今場唔好輸多過四球都出線，客W只得1.35倍玩唔過。比達比歷上屆於歐霸盃第二圈外圍賽面對蘇超馬瑟韋爾都係兩回合輸晒，想攞番個尾彩亦唔易，今場捧1.6倍入球大較着數。