借題發揮：沈廐五班馬夠牙力

猪拉多纳

　　昨文所指，沈廐唔多鍾意喺泥地出擊，其實對我輩馬迷來說冇所謂，知道佢唔「泥」得，揀馬之時反而幫到手，講笑咁講，一見佢啲馬跑田泥，將之第1隻刪除，又可以諗少隻！

　　細看此廐暫時兵源及分布，麾下40餘駒，四班成員最多，而五班馬則有6駒，咪以為「人丁單薄」，就睇小呢批勢力，如果唔係完全睇錯，呢批馬喺新季嘅貢獻，可能比目前三班那批更掂。

　　沈廐五班6駒，計為「銀城威龍」、「朗天」、「甜蜜至上」、「標青」、「厲行星」、「威陽」，上了年紀又有，未贏過又有（今季未嘗上名）。不過，上述馬匹大部分有個共通點，就係評分處於有利水平，像「甜蜜至上」和「標青」，季內在四班可接連跑得好，落五班點會冇牙力！

Jack