車仔「客其他」贏到盡

猪拉多纳

21/07/2011
文： 樂比堅尼

車路士今晚會踢亞洲之旅首場比賽，對手係馬來西亞明星隊。馬來西亞明星隊對上兩仗對阿仙奴同利物浦足足失咗十球，樂比仔預期車仔今場入波，會較之前兩場更多，車仔「-2」得1.42倍熱到爆，揀3.8倍「客其他」仲好路。（now 633周四晚8時45分直播）




樂比仔唔多花篇幅介紹車路士嘅情況，一來大家對車仔非常了解，二來車路士未來個多星期都會留喺亞洲，相信消息會鋪天蓋地，令樂比仔對呢場波提起興趣嘅原因，反而係馬來西亞將於兩日後出戰世界盃外圍賽，故今次只會以奧運腳為主力，連班大國腳都踢成咁，靠班細路落場真係唔好期望過高！


明星隊靠奧運腳撐場


事實上，馬來西亞近年足球水準停滯不前，尤其係三年前停止引入外援後，搞到聯賽水平愈來愈差，雖然馬來西亞足總撥亂反正，來季重新引入外援制度，但大錯已經鑄成，早前馬來西亞喺世界盃外圍賽作客不敵中華台北，已足見該國足球水平滑落。




樂比仔睇過無數咁多場車路士熱身賽，知道佢哋最大優點，就係唔會「揸流攤」，對上兩場熱身賽，車仔都能夠淨勝對手。車路士星光熠熠，連後備都係星級球員，故內部競爭非常大，佢哋為咗取悅新帥保亞斯，落到場一定會施展渾身解數，由於保亞斯講明每個球員都有落場機會， 所以唔使擔心體力問題，絕對有理由相信車仔今場大勝，揀「讓球客勝」夠穩陣，想好分啲「客其他」波膽同總入球「7+」都值得留意！