前線杜奧巴費托二揀一

猪拉多纳

21/07/2011


車路士今夏最大收購，當然係「莫連奴二世」保亞斯。呢名三十三歲教頭，同莫帥一樣着重戰術運用，無論攻守都處理得一絲不苟，教晒球員落場點樣應付。近日英格蘭傳媒就影得保帥親筆手寫訓練文本，的確有紋有路。


親筆寫訓練文本夠認真


波圖去季成為三冠王，攻力犀利係成功關鍵。保帥於文本中，主力踢4-3-3陣式，攻勢將由後防發起，佢會鼓勵兩名中堅帶波上前，分散對手注意力，之後會搵一名攻擊中場分波到兩邊輔鋒，佢哋一係就落底餵波畀箭頭，一係就自己起腳。睇佢排陣右邊會出安歷卡或沙洛文卡勞，左邊會出馬隆達或史杜列治。




其實保帥或會同時出兩個正前鋒，但杜奧巴同費蘭度托利斯，就未曾試過出現於同一陣容上，明顯保帥就覺得二人唔可以同時出場。