富咸主場歎細界

猪拉多纳

21/07/2011
文： 牛奶仔

今晚歐霸盃第2圈外圍賽次回合，有英超球隊富咸主場迎戰北愛球隊十字軍，富咸首回合大勝3:1，可以話已經半隻腳踏咗入下一圈，今晚即使喺主場出擊相信亦唔會刻意大炒對手，但求穩穩陣陣晉級，入球大細中位數開到3.5球，一於敲2.19倍入球細！（開賽時間：周五凌晨2:30）




富咸雖然只係憑公平競技獎殺入嚟歐霸盃，但實力始終比十字軍高幾皮，上場作客亦以3:1技術性擊倒對手。富咸今場好話唔好聽，喺主場淨吞兩蛋都可以晉級，並冇贏波嘅必要，因此預料會放慢節奏，以唔失波為首要目標。


入球大細中位數3.5球


出戰完美洲金盃嘅富咸中場丹普西同後衞沙斯度，仲未有歸隊嘅消息，至於啱啱由羅馬加盟嘅挪威左閘懷斯，則喺球隊上場熱身賽以正選身份處子登場，但今場因未有註冊而未能上陣。另外，陣中老將格寧已經正式轉投諾定咸森林，將唔會為富咸落場。




十字軍上場喺主場輸波，今次作客倫敦相信都打定輸數，為免再次大敗而回，預料會繼續一貫嘅穩守突擊戰術，絕唔會傾巢而出，入球大細中位數開到3.5球，吼細穩陣。


歐霸盃賽制


今輪為第2圈外圍賽次回合，若總比數賽和，作客入球較多一方為勝，若作客入球數相同，則在次回合90分鐘後加時30分鐘，加時入球數量相同，由作客球隊獲勝，若加時沒有入球則互射12碼分勝負。


瑞盃賽制


今仗為8強賽事，以一場決勝負，若90分鐘內賽和，將加時30分鐘，若再和則互射12碼決勝。