特林素抖足 搶W冇辛苦

猪拉多纳

31/07/2011
文： ComboKing

阿King今日搵挪超做主打，推介特林素主場對阿里辛特，揀主勝。特林素已於歐霸盃出局，今季餘下時間勢必全力爭取聯賽錦標。反觀阿里辛特周中要分身應付歐洲賽，此消彼長下，特林素勝出機會更加高。（周一凌晨2時開賽）




目前排第2位嘅特林素早於上圈歐霸盃外圍賽畢業，因此上周中冇賽事，抖足精神應付今仗，佢哋同榜首莫迪積分差距接近，仍有相當大機會從後趕上，以現時形勢嚟睇，特林素嚟緊場場必拚，戰意唔使懷疑。至於阿里辛特位處聯賽中游，爭標意欲唔及對手強烈，而且佢哋周中仲要踢歐霸盃外圍賽次回合，須留力下更利特林素爭勝。


預埋白蘭恩侯格辛特


另外，奧特格寧蘭主場對白蘭恩，兩隊剛於月初對壘，當時白蘭恩贏2比0，而且奧軍狀態每況愈下，近期已經吞下3連敗，讓唔起對手，故捧白蘭恩讓球客勝。至於薩普斯堡主場對侯格辛特，包括盃賽在，薩軍近9場未贏過，近6仗更輸5仗，已信心盡失，冇本錢讓波，吼侯格辛特下盤好路。