奧丹斯未夠班彭一聲玩完

猪拉多纳

02/08/2011
文： 蘇豪

歐聯外圍賽第三圈賽事，希臘代表彭拿典奈高斯主場對丹麥球隊奧丹斯，奧丹斯首回合主場出擊苦戰逼和對手，實力明顯唔及彭拿典奈高斯，今次作客焗攻冇運行，捧主隊！（周三凌晨2時45分開賽）




奧丹斯於丹麥聯賽表現唔錯，但踢歐洲賽級數始終較低，隊中較具名氣球員為前曼聯防中迪贊巴，仲有尼日利亞前鋒彼德烏達卡，實力有幾多大家心裏有數！奧丹斯首回合對彭拿典奈高斯先失守，戰至比賽末段扳平吊命，但由於畀對手取得作客入球，今場輪到佢哋作客都要焗攻，隨時衰多幾錢重，捧彭拿典奈高斯。


哥本哈根讓波縮「沙」


同日愛爾蘭大軍沙姆洛克流浪主場對丹麥勁旅哥本哈根（周三凌晨2時45分開賽），牌面睇哥本哈根實力較強，狀態亦較好，不過大軍首回合主場出擊只能小勝一比○，優勢唔算好大。由於哥本哈根有一球在手，今場唔輸已可晉級，戰意唔及對手，作客讓波唔抵玩，沙軍「讓球主勝」博得過！