「雙特」長捧有着數

猪拉多纳

02/08/2011


要數新一季英甲銀行球隊，「雙特」賓福特及哈特斯菲爾德最值得睇好。賓福特邀請神奇主帥路斯拿執教，勢必脫胎換骨，有望突圍而出。至於哈軍作客表現sharp醒，受讓贏盤率高，投X時不妨多加留意。


賓福特新帥路斯拿有料到


賓福特今季請到德國籍嘅路斯拿執教，呢位42歲少帥球員時代曾經効力曼城、修咸頓及西布朗等英格蘭球會，對英國球壇非常熟悉。路斯拿以前教維京時戰績彪炳，佢上年臨危受命，執教挪超球隊莫迪，由佢領軍下八場聯賽取得六勝二和，協助莫迪護級成功，盡顯功架，今次執掌賓福特，或可為球隊帶來驚喜。基於賓福特以往成績一般，季初贏波賠率或會較好分，要趁早買。




另外，哈特斯菲爾德上季獲得第3位，可惜喺附加賽決賽輸波錯失升班機會。哈軍成績好，主因係作客表現穩定，喺上季聯賽作客勝率達57％，比冠軍白禮頓高9％，睇番數據，哈軍上季「讓球主客和」作客有10次受讓，結果8次開「讓球勝」，因此，今季當哈軍作客受讓時，可以長追。