借題發揮：自由港橫行三班

猪拉多纳

　　去季一對新嘅「自由」系PP相繼上陣，「自由勝」有馬贏，不過，贏馬過程險過剃頭，唔係賺晒慢放優勢，加上，該場亞軍「團隊精神」跑得老襯，應該仍是處女馬啊！

　　相比之下，「自由港」在港跑兩場雖不上名，走勢卻極其引人，如果唔係隻馬及騎師同樣發揮唔多好，喺兩場1400米賽事裏，至少已有1場上到名，但亦因為跑得唔好，仍有好悅目追勁，所以對於佢嘅前景會有幾大期望。

　　「自由港」初出跑獲殿軍的一役，因排了外檔，早段焗住留得幾後，而中途隻馬又搶口，此外，出彎更被掟出最外叠，蝕上加蝕，最終仍拍住後勁強見稱嘅「快利多」返嚟，跑獲殿軍，以呢場去計，喺三班可以打橫行，稍為進步啲，二班有馬贏，完全唔覺得意外。

Jack